04/03/2014 18:05:58

Qipro privatizon shërbimet publike

I hapet rrugë pagesës së këstit të ri të një kredie ndërkombëtare prej 10 miliardë euro, marrë në muajin mars 2013 nga ishulli mesdhetar

NIKOSI - Parlamenti qipriot miratoi sot një ligj mjaft të diskutueshëm mbi privatizimin e shërbimeve publike, duke i hapur rrugën pagesës së këstit të ri të një kredie ndërkombëtare prej 10 miliardë euro, marrë në muajin mars 2013 nga ishulli mesdhetar.

Deputetët në seancë të jashtëzakonshme aprovuan ligjin me 30 vota kundër dhe 26 abstenime, pas kundërshtimeve të këtij ligji nga ana e deputetëve javën e kaluar.

Qeveria vendosi të përmirësojë ligjin për të siguruar shumicën dhe garantuar akordimin e një kredie prej 236 milionë të parashikuar nga trojka dhe donatorët e fondit (Bashkimi Evropian, Fondi Monetar Ndërkombëtar dhe Banka Qendrore Evropiane).

Versioni i përmirësuar parashikon që kushtet e kontratave të punonjësve të kompanive të energjisë elektrike (EAC), të Telecoms (Cyta) dhe të Autoritetit Portual do të rishihen pas privatizimit të këtyre tri kompanive.

HermesNews - ©2014

Dërgo me email | Stampo artikullin