03/03/2014 19:52:35

Kriza në Turqi rrit inflacionin

Lira turke (LT) u zhvlerësua dhe sot pasdite

STAMBOLL - Shkalla e inflacionit arriti në 0,43 për qind në muajin shkurt në Turqi, duke konfirmuar paqëndrueshmërinë e tregut në lidhje me situatën ekonomike të vendit, në një periudhë kur kriza politike e cila kërcënon qeverinë islamike-konservatore po vijon e njëjtë një muaj nga zgjedhjet lokale. Sipas të dhënave të publikuara sot nga Instituti turk i statistikave (TUIK), kjo shifër arriti në 7,89 për qind, kundrejt 7,75 për qind në janar, shoqëruar me rritjen e çmimeve dymbëdhjetë muajt e fundit. Në vazhdën e këtij njoftimi, lira turke (LT) u zhvlerësua dhe sot pasdite. Ajo shkëmbehej me 2,2193 LT për një dollar dhe me 3,0579 LT për një euro. Në sfondin e shqetësimit të përhapur në lidhje me situatën në Ukrainë, indeksi kryesor i Bursës së Stambollit shënoi rënie me 1,84 për qind, duke arritur në 61,402.55 pikë. “Sipas parashikimeve tona, kjo tendencë pritet të vazhdojë gjatë gjithë gjashtëmujorit të parë dhe mund të rrisë normën vjetore të inflacionit në një nivel dy shifrorësh”, vuri në dukje ekonomisjae Gokçe Çelik, e Finansbank. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin