03/03/2014 19:17:08

Ukraina nuk prek zonën Euro

Draghi, ''në planin financiar dhe ekonomik, shkëmbimet e zonës euro me Ukrainën, janë të dobëta. Pra, pasoja ekonomike do të jetë relativisht e kufizuar''

FRANKFURT - Kriza në Ukrainë mund të prekë zonën euro përtej lidhjeve ekonomike që mban aktualisht me këtë vend, që janë të dobëta, u shpreh sot presidenti i Bankës Qendrore Europiane (BQE) Mario Draghi. ”Në planin financiar dhe ekonomik, shkëmbimet e zonës euro me Ukrainën, janë të dobëta. Pra, pasoja ekonomike do të jetë relativisht e kufizuar”, deklaroi ai.”Megjithatë, dimensioni gjeopolitik i kësaj situate është krejt ndryshe. Ai mund të ketë një forcë dhe aftësi për të prekur ngjarjet që mund të shkojnë përtej lidhjeve aktuale dhe të dhënave statistike”, shtoi Draghi gjatë një seance dëgjimore përpara Komisionit të çështjeve ekonomike dhe monetare të Parlamentit Evropian, e transmetuar në faqen e tij të internetit. ”Duhet të vëzhgojmë situatën me vëmendje të madhe, sepse bëhet fjalë për një problem më të gjerë se politika monetare dhe që mund të ketë pasojë edhe në ekonomi”, përfundoi ai. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin