03/03/2014 09:28:09

Sekuestrohen 450 kg marijuanë

Operacion i bluve të Gjirokastrës. Në kërkim autorët

GJIROKASTER - Specialistët e Sektorit Kundër Narkotikëve në Drejtorinë e Policisë së Qarkut Gjirokastër kanë marrë informacion se tre shtetas nga Vlora kishin blerë një sasi të madhe Mairuane në fshatin Lazarat dhe po e transportonin me dy automjete në drejtim të Vlorës rreth orës 00.30, të datës 03.03.2014.

Menjëherë Specialistët e Sektorit Kundër Narkotikëve, kanë organizuar dhe zhvilluar operacionin e koduar Range, në aksin rrugor Gjirokastër - Subash ku rezultoi se:

Një automjet tip Range Rover që drejtohej nga shtetasi Mirjan Muhametaj, i datëlindjes 1983 banues në Vlorë po transportonte një sasi të madhe lënde narkotike në drejtim të Vlorës.

Ky automjet shoqërohej nga në automjet tjeter tip Benz që drejtohej nga një shtetas po nga Vlora me inicialet L.T.

Drejtuesi i automjetit tip Rover kur ka parë se po e ndiqte policia ka shtuar shpejtësinë dhe së bashku me automjetin tjetër kanë devijuar nga rruga nacionale dhe janë futur në rrugë rurale në drejtim të fshatit Andon Poci, ku më pas kanë vijuar në një rrugë tjetër dytësore dhe janë fshehur në një përrua midis fshatit Andon Poc dhe fshatit Palokastër në vendin e quajtur Karaj, ku dhe janë mundur të shkarkojnë dhe të fshehin drogën në disa shkurre.

Specialistët e Seksionit Kundër Narkotikëve kanë bërë të mundur kapjen dhe arrestimin e drejtuesit të automjetit Range Rover si dhe të gjejnë lëndën narkotike të fshehur në buzë të përroit në mes të shkurreve .

Gjithashtu janë identifikuar dhe shpallur në kërkim edhe dy bashkëpuntorët e tjerë të këtij trafiku shtetasit L.T e O.D.

Në vendngjarje u gjetën 201 pako me peshë që varionte nga 2.2 deri në 2.3 kilogramë secila pako gjithësej rreth 450 kilogramë Mariuanë.

Në vijim të veprimeve u bë e mundur kapja dhe arrestimi edhe i shtetases G.Fejzaj, e datëlindjes 1991, banuese në Vlorë, e dyshuar si bashkëpuntore në këtë trafik .

Operacioni vijon për kapjen e dy shtetasëve të tjerë dhe për zbardhjen e plotë të këtij trafiku.

Për arsye hetimi nuk japim detaje më të hollësishme për operacionin. Na ndiqni dhe në Facebook dhe Twitter

komunikatë për shtyp

Dërgo me email | Stampo artikullin