03/03/2014 09:19:57

Larg bojkotit, por protesta do të ketë. Demokratët ngrenë tonet

Demokratët mendojnë se kryeministri po nxit konfliktin politik dhe se po mundohen të evitojnë debate për çështjet konkrete

TIRANE - "Ashpërsimi i qëndrimit të opozitës është i detyruar nga sjellja agresive dhe arrogante e dyshes Rama-Meta. Ne e kemi pranuar rezultatin e zgjedhjeve të 23 qershorit dhe rolin tonë në opozitë, nuk ka asnjë dilemë në këtë drejtim. Kabineti qeverisës është kabineti më i dobët që ka drejtuar ndonjëherë Shqipërinë në këto 23 vjet", tha kreu i demokratëve të tiranës Aldo Bumçi gjatë një interviste për gazetën shqiptare sot.

Ai akuzoi qeverinë për "paaftësi" dhe "interesi ynë si opozitë është nxjerrja në pah e kësaj dobësie dhe paaftësie e kabinetit qeverisës për të hartuar politika dhe ndryshuar jetën e qytetarëve shqiptare".

Shkarkimi i Xhukës nuk është bërë akoma fakt i pranuar për demokratët shqiptarë, akt që ata e quajnë "marrje të kompetencave të Presidentit".

"Ne kur ishin në qeveri kemi kërkuar shkarkimin e krerëve të institucioneve kushtetuese, si të Prokurorit të Përgjithshëm apo të kreut të SHISH, por në të gjitha rastet shkarkimi dhe emërimi i drejtuesve është bërë sipas formulës kushtetuese, vetëm kur Presidenti ka dhënë miratimin e tij. Dhe besoj se e mbani mend, në shumë raste ndryshimi ka ndodhur vetëm mbasi është zgjedhur një President i ri. Që do të thotë se ne respektuam formulën kushtetuese. Por ajo që ndodhi me shkarkimin e Kryeinspektores së ILDKP-së është e padëgjuar në këto 23 vjet." Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin