01/03/2014 17:48:40

L154 mln të mbledhura nga taksat për pasurinë

Të ardhurat e parashikuara për t’u mbledhur si Taksë mbi Pasurinë gjatë gjithë vitit llogariten 3,542 milionë lekë

TIRANE - Të ardhurat e mbledhura nga taksa mbi pasurinë në buxhetin e shtetit gjatë muajit janar të këtij viti llogariten 154 milionë lekë.Sipas statistikave zyrtare të Ministrisë së Financave, të ardhurat e parashikuara për t’u mbledhur si Taksë mbi Pasurinë gjatë gjithë vitit llogariten 3,542 milionë lekë. Duke i krahasuar shifrat e muaji me të njëjtën periudhë të një viti më parë (2013) të ardhurat nga taksa mbi pasurinë rezultojnë në rënie. Gjatë janarit të viti 2013 u arkëtuan si Taksë mbi Pasurinë rreth 206 milionë lekë. Tek Taksa mbi pasurinë, përfshihen taksa mbi ndërtesat dhe taksa mbi tokën bujqësore.Taksës mbi pasurinë e paluajtshme i nënshtrohen të gjithë personat fizikë ose juridikë, vendas ose të huaj, pronarë të pasurive të mësipërme në territorin e Republikës së Shqipërisë, pavarësisht nga niveli i shfrytëzimit të këtyre pasurive. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin