01/03/2014 09:06:45

Renzi shpëton Romën. Po të tjerat ?

Qeveria i ka kërkuar kryeqytetit që të përgatisë një plan disavjeçar që synon ekuilibrimin e llogarive të saj duke privatizuar, nëse do të jetë e nevojshme, disa ndërmarrje ose duke shitur një pjesë të pasurisë së saj në prona të paluajtshme

ROMË - Qeveria e re italiane e Mateo Renzit miratoi sot një dekret që mënjanon falimentimin e qytetit të Romës pas hedhjes poshtë, kohët e fundit, për një ndihmë financiare për kryeqytetin, nga parlamenti.
Ky dekret, i miratuar në këshillin e ministrave, parashikon dhënien një herësh të 570 milionë eurosh që në një kohë normale duhej të jepeshin pjesë-pjesë, thuhet në një komunikim për shtyp.

"Kjo ndihmë e shtetit shoqërohet nga detyrimet që të ketë një plan ristrukturimi për llogaritë dhe të rriten faturat", deklaroi përpara medias Graziano Delrio, krahu i djathtë i Renzit, duke i kujtuar kryeqytetit se duhet të mbajë një politikë shtrënguese financiare. Vendimi i qeverisë ka zgjuar pakënaqësi tek bashkitë e tjera në Itali të cilat po ashtu janë në prag falimentimi. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin