28/02/2014 18:49:45

Lirohen të arrestuarit për korrupsion në Turqi

Gjykatësit thanë se këta persona, që u burgosën gjatë një operacioni të gjërë antikorrupsion të kryer 17 dhjetorin e kaluar, nuk paraqisnin rrezik largimi

STAMBOLL - Gjykata e Stambollit ka liruar sot një biznesmen turko-iranian, Reza Zarrab si dhe dy djemtë e ish-ministrave turq të arrestuar në kuadrin e nje skandali korrupsioni, i cili ka dobësuar regjimin islamiko-konservator, raportuan stacionet televizive.

Gjykatësit thanë se këta persona, që u burgosën gjatë një operacioni të gjërë antikorrupsion të kryer 17 dhjetorin e kaluar, nuk paraqisnin rrezik largimi.
Zarrab u paraqit nga ana e hetuesit dhe e gazatave turke si i dyshuari kryesor i çështjes që shkaktoi mjaft polemika.

Emigranti 30-vjeçar iranian, sipas dokumenteve të policisë, ishte epiqendra e skandalit të korrupsionit, falsifikimit dhe kontrabandës së arit që tranportohej në drejtim të Iranit, i cili shkaktoi arrestimin e disa dhjetëra personave, të afërt me regjimin në pushtet dhe shkarkimin e tri ministrave të qeverisë.

Djemtë e ish-ministrit të Ekonomisë, Zafer Caglayan dhe atij të Brendshëm, Muammer Gylen, u lanë të lirë sot. Arrestimi i Zarrab dhe funksionarë të tjerë të afërt të rrethit të ngushtë të qeverisë së kryeministrit, Recep Tayyip Erdogan, tronditën qeverinë e tij, i cili drejton Turqinë që prej 2002, e cila ndodhet në prag të zgjedhjeve bashkiake në mars dhe zgjedhjeve të përgjithshme në muajin gusht. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin