28/02/2014 09:36:58

Kievi akuzon rusët për pushtim

''Atë çfarë ka ndodhur, unë e konsideroj një invazion të armatosur dhe një pushtim'', shkruan Avakov

KIEV - Persona të armatosur të paidentifikuar morën nën kontroll, gjatë orëve të para të mëngjesit, aeroportin e Simferopol në Krime’, republikë autonome e Ukrainës, njoftoi agjencia ruse e lajmeve, Interfax. ”Rreth 50 persona morën aeroportin nën kontroll”, sipas Interfax-Ukraine. Ministri i Brendshëm i përkohshëm ukrainas, Arsen Avakov akuzoi sot trupat ruse për invazion të armatosur dhe pushtim, pas marrjes nën kontroll të aeroportit të Simferopolit, në Krime’, nga persona të armatosur. Sipas tij, edhe një tjetër aeroport ushtarak është marrë nën kontroll. “Atë çfarë ka ndodhur, unë e konsideroj një invazion të armatosur dhe një pushtim”, shkruan Avakov në faqen e tij në Facebook. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin