27/02/2014 19:06:50

Atentat në Vorë: shpërthen makina

Vdes 40 vjeçari Baki Xhabafti. Shpërthimi ndodhi para bashkisë

VORË - Shpërthim me tritol në Vorë. Pas atij të djeshmit ku u plagosën tre persona, dy prej të cilëve ndodhen në gjendje të rëndë, një automjet ka shpërthyer rreth orës 17:00 përpara bashkisë së Vorës, ku mbeti i vdekur një person.



















Makina Renault me targë AA 154 DZ, ka qenë parkuar para godinës së bashkisë në momentin e shpërthimit. Si pasojë e shpërthimit ka mbetur i vdekur shtetasi Baki Xhabafti, 40 vjeç dhe dyshohet se janë plagosur edhe 2 persona të tjerë, kalimtarë të rastit. Sipas njoftimit zyrtar të Policisë së Tiranës, automjeti i shpërthyer i përket viktimës, Baki Xhabafti.

Sipas policisë, në mjet është vendosur një sasi e konsiderueshme eksplozivi pasi dëmet në mjet janë të mëdha. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin