27/02/2014 16:50:53

BIO dhe nisma ambicioze për konsumatorët shqiptare

Ministri Panariti inspektoi dhe punimet e një qendre të re moderne laboratorike të diagnostikimit të sëmundjeve të transmetueshme nga kafsha te njeriu, një investim i Komisionit Europian që pritet të inagurohet në fund të muajit mars

TIRANE - Ministri i Bujqësisë, Zhvillimit Rural dhe Administrimit të Ujërave Edmond Panariti i pranishëm sot në Institutin e Sigurisë Ushqimore e Veterinare (ISUV) dhe u shpreh se ky institut shkencor është shumë i rëndësishëm, me një staf të kualifikuar që me ekspertizën e tij mbështet zhvillimin e bujqësisë shqiptare dhe veçanërisht të blegtorisë. Ministri Panariti u shpreh, se "Ne kemi ndërmarrë një nismë shumë ambicioze: Prodho shqip, tregto shqip dhe konsumo shqip. E thënë kështu është një nismë shumë atraktive, por nuk mjafton. Kjo nismë kërkon një mbështetje institucionale. Ky institut do të jetë ai që do mbështesë Ministrinë e Bujqësisë në promovimin e kësaj nisme, që presupozon që produktet shqiptare të jenë të orientuara drejt prodhimit bio". Panariti inspektoi dhe punimet e një qendre të re moderne laboratorike të diagnostikimit të sëmundjeve të transmetueshme nga kafsha te njeriu, një investim i Komisionit Europian që pritet të inagurohet në fund të muajit mars. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin