26/02/2014 17:21:47

Ndryshon polica e burgjeve

Risi e pr/tligjit është dhe transporti i të dënuarve, në kuadër të privatizimit të shërbimit të transportit për të dënuarit e sigurisë së ulët

TIRANË - Komisioni i Ligjeve ka miratuar sot vetëm me votat e maxhorancës ndryshimet për policinë e burgjeve, ndërsa u ra dakord diskutimi i pr/ligjit nen për nen ditën e premte.

Në mbledhjen e zhvilluar të mërkurën për shkak të debateve politike të ditëve të fundit, deputetët e opozitës nuk pranuan të marrin pjesë në votim duke u larguar nga mbledhja, ndërsa maxhoranca votoi pro ndryshimeve të cilat kanë në qendër të vëmendjes modernizimin e policit të burgut, pasi siç ka theksuar edhe vetë Ministri i Drejtësisë Nasip Naço, Sistemi i i Burgjeve është sistem potencialisht i korruptuar.

Çfarë parashikon drafi i paraqitur nga Ministria e Drejtësisë në parlament ?
Krijimi i një shërbimi policor të qëndrueshëm, profesional dhe me integritet në sistemin e burgjeve, është qëllimi kryesor i Projektligjit “Për disa shtesa dhe ndryshime në ligjin “Për Policinë e Burgjeve”, i hartuar së fundi nga ministria e drejtësisë.

Burime zyrtare pranë kesaj ministrie thanë se, drafti ligjor përbëhet nga 27 nene, të cilat rregullojnë çështje të tilla si: përfshirjen e sherbimit policor në burgje në statusin e administratës publike, kushtet dhe procedurat e pranimit në Policinë e Burgjeve, marrëdhëniet e punës, zhvillimin e karrierës, organizimin, trajtimin financiar, etj.

Ky draft synon përmirësimin e sistemit të gradave dhe ri-klasifikimin e roleve në Policinë e Burgjeve, sipas hierarkisë, ndersa sqaron rastet e lirimit apo përjashtimit nga detyra të punonjësve të shërbimit.

Por, risi e pr/tligjit është dhe transporti i të dënuarve, në kuadër të privatizimit të shërbimit të transportit për të dënuarit e sigurisë së ulët. Nisma ligjore, trajton rastet e shoqërimit dhe transportit në burgjet e sigurisë së ulët nga kompania private e kontraktuar sipas legjislacionit në fuqi, nga Drejtoria e Përgjithshme e Burgjeve.

Projektligji në fjalë është paraqitur në Këshillin e Ministrave për miratim, dhe tashmë ka kaluar për shqyrtim në Kuvendin e Shqipërisë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin