26/02/2014 16:51:30

Asgjësohet misri jashtë standartit

Farae e misrit është e trajtuar kimikisht dhe nuk mund të përdoret për qëllime të tjera, ndaj është e destinuar të asgjësohet

TIRANE - Drejtoria Rajonale e Agjencisë së Kujdesit Ushqimor (AKU), në bashkëpunim me Agjencinë Rajonale të Mjedisit, ka asgjësuar sot një kontigjent farë misri, qe kanë rezultuar me fuqi mbirëse nën standartin shtetëror.

Sektori i Mbrojtjes së Bimëve dhe Inputeve Bujqësore mori kampione për analizë konform standardeve shtetërore, të cilat më pas u dërguan për analizë në Labaratorin e ESHFF Tiranë.

Në përgjigjen përfundimtare zyrtare të dërguar rezultoi se 4 varietete misri ishin me fuqi mbirëse nën standartin shtetëror. Drejtori i AKU-së, Zenun Bullari, tha se “sektori i Mbrojtjes së Bimëve dhe Inputeve Bujqësore bazuar në rezultatin e analizave mori të gjitha masat tekniko - ligjore duke bërë bllokimin e kësaj fare për të mos u hedhur ne treg ne mirkuptimin e subjektit”. Këto varietete ishin ne nje sasi prej 81.2 kv farë misri. Kjo farë misri është e trajtuar kimikisht dhe nuk mund të përdoret për qëllime të tjera, ndaj është e destinuar të asgjësohet. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin