26/02/2014 16:37:01

Banka që ndihmoi në evazionin fiskal

''Credit Suisse'' pranoi që një grup i vogël bankierësh privatë me seli në Zvicër kanë shfaqur qëndrime jokorrekte

GJENEVË - Banka më e madhe zvicerane Credit Suisse pranoi sot që punonjësit e saj kanë ndihmuar në procesin e evazionit fiskal ndaj Shteteve të Bashkuara të Amerikës, citon një dokument i publikuar pas auditimit të kreut të saj Brady Dougan para Senatit amerikan.

"Credit Suisse" pranoi që një grup i vogël bankierësh privatë me seli në Zvicër kanë shfaqur qëndrime jokorrekte”, citon banka në këtë dokument, duke cituar që hiearkia e bankës nuk ishte në dijeni të këtyre veprimeve.

Banka Credit Suisse ka rekrutuar në mënyrë sekrete një milion klientë nga SHBA-ja për t’i ndihmuar të fshehin të ardhurat ndaj administatës tatimore amerikane, cituar dje nga një raport fshikullues i Komisionit të hetimit të Senatit amerikan.

Raporti përfundon dy vitet e hetimit parlamentar dhe publikohet një ditë para auditimit të parashikuar të drejtuesit të bankës Credit Suisse, Brady Dougan, dhe drejtuesve të tjerë të bankës në Senat.

Hetimi paraqet që në 2006, Credit Suisse numëronte më shumë se 22 mijë klientë amerikanë me llogari bankare zvicerane në të cilën asetet në kulmin e tyre i tejkalonin 12 miliardë franga zvicerane (CHF). Edhe pse “Credit Suisse” nuk ka përcaktuar apo vlerësuar se sa nga këto llogari janë fshehur nga autoritetet amerikane, të dhënat tregojnë se pjesa më e madhe nuk është deklaruar. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin