24/02/2014 18:24:51

Ballkani ka barriera tregtare, e jo vetëm...

Clarke: ''mbetet ende punë për të bërë nga vendet e Ballkanit Perendimor që ata të heqin pengesat ndaj tregtisë dhe të ndërtojnë institucione funksionale''

TIRANË - Ministri i Kabinetit Qeveritar të Britanisë së Madhe dhe i dërguar i kryeministrit për tregtinë, z.Kenneth Clarke, në forumin për investime të Bankës Europiane për Rindërtim dhe Zhvillim (BERZH), tha se "Ballkani Perendimor, mund të jetë një burim kyç rritje dhe inovacioni në Europë".

"Harta e Ballkanit Perëndimor është përfunduar dhe vemëndja duhet të jetë tek prosperiteti. Zhvillimi ekonomik eshtë jetik për të sjellë stabilitet afatgjatë në rajon. Eshtë bërë përparim i madh dhe jam krenar që shumë investues britanike janë duke mbështetur projekte atje", u shpreh Clarke.

Natyrisht, vijoi Clarke, "mbetet ende punë për të bërë nga vendet e Ballkanit Perendimor që ata të heqin pengesat ndaj tregtisë dhe të ndërtojnë institucione funksionale. Unë mirëpres vemendjen e re të Komisionit Europian për të ndihmuar vendet e zgjerimit që të përmirësojnë qeverisjen ekonomike".

"Britania e Madhe mbetet mbështetëse e fortë e zgjerimit të BE-së mbi baza të kushteve të forta, por të drejta dhe ne do të vazhdojmë të monitorojmë dhe asistojmë vendet e Ballkanit Perëndimor në rrugen e tyre të progresit", tha Clarke. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin