24/02/2014 15:02:22

Rusia nuk njeh pushtetin ne Kiev

Dmitri Medvedev: ''Legjitimiteti i një serie të tërë organesh në pushtet në Ukrainë ngjall dyshime serioze''

(18:18) - Legjitimiteti i organeve të pushtetit në Ukrainë, ku presidenti Viktor Janukoviç u shkarkua dje nga detyra dhe një president i përkohshëm u emërua në vend të tij, ngjall dyshime serioze, deklaroi sot kryeministri rus, Dmitri Medvedev. "Duhet të flasim qartë, aktualisht nuk kemi me kë të bisedojmë në cilësinë e interlokutorit legjitim. Legjitimiteti i një serie të tërë organesh në pushtet në Ukrainë ngjall dyshime serioze", tha shefi i qeverisë ruse, i cili citohej nga të gjitha agjencitë vendase të lajmeve.


(18:10) Bashkimi Europian shtyu sot mundësinë e nënshkrimit të një marrëveshjeje afrimi me Ukrainën kundrejt kushtit të formimit të një qeverie të re të dalë nga zgjedhjet e parakohshme të 25 majit dhe kujtoi se çdo ndihmë financiare kushtëzohej me reforma ekonomike. “Marrëveshja tregtare dhe e investimeve që kemi propozuar vazhdon të jetë e vlefshme”, kujtoi zëdhënësi i Komisionit Europian, Olivier Bailly, në një deklaratë shtypi.


(18:04) - Kryeministri polak, Donald Tusk, paralajmëroi sot autoritetet ukrainase kundër çdo logjike të hakmarrjes ndaj rivalëve të tyre politikë.
"Ndjenja e drejtësisë kërkon që ne të dënojmë përgjegjësit e këtyre krimeve, dhe pa asnjë dyshim që kishim të bënim me krime në Kiev. Mbi të gjitha më vete mendja tek ato ekzekutime të vërteta të kryera nga snajpera profesionistë. Por nëse revolucioni kërkon të sjellë fruta pozitive ai nuk mbund të qëndrojë mbi logjikën e hakmarrjes", deklaroi Tusk përpara medias. "Sfida kryesore për Ukrainën nuk është hakmarrja, por të shpëtojnë ekonominë dhe financat publike", vazhdoi shefi i qeverisë polake.


KIEV - Ukraina ka nevojë për rreth 35 miliardë dollarë përgjatë dy viteve të ardhshme dhe po ashti i nevojitet organizimi i një Konference Ndëkombëtare Donatorësh, njoftoi sot ministri ukrainas i Financave ”ad interim”, Juri Kolobov. “Shifra e ndihmës makroekonomike për të cilën ka nevojë Ukraina mund të arrijë në 35 miliardë dollarë përgjatë periudhës 2014-’15″, theksonte Kolobov. “U kemi propozuar partnerëve tanë perëndimorë që të mundësojnë organizimin e një Konference Ndërkombëtare Donatorësh”, shtoi shefi aktual i finanvace të Kievit. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin