22/02/2014 12:53:15

Sasi rekord droge në Francë

Sekuestrohen 1,4 ton kokainë që vinte nga Amerika Latine

PARIS - Rekord droge u sekuestrua sot nga policia franceze. Bëhet fjalë për 1,4 ton kokainë e importuar nga Amerika Latine. Kjo është sasia më e madhe e kapur ndonjëherë në Francë. Gjatë operacionit u arrestuan dy bullgarë dhe dy spanjollë. Droga u sekuestrua në anijen Rio Nevado në portin Le Havre. Droga vinte nga Valparaiso, Kili, dhe ishte fshehur nëpër goma, të cilat ishin të vendosura në një kamion. "Policia franceze, e njoftuar nga autoritetet bullgare nëpërmjet ambasadës franceze në Sofje, vuri nën mbikqyrje kamionin ndërsa po linte portin bashkë me një veturë të hapur. Automjetet u ndaluan dje në një pjesë të autostradës në qendër të Francës ", tha prokurori i Lilës, Frederic Fevre. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin