21/02/2014 14:59:25

''Shpifja'' ne gazete

Anëtarë të parlamentit, juriste, përfaqësues të medias dhe eksperte diskutuan sot rreth gjëndjes aktuale të ligjit për shpifje

TIRANË - Zyra e Këshilli te Evropës në Tiranë organizoi të premten një konferencë në hotel “Tirana”, në kuadër të projektit rajonal “Promovimi i lirisë së shprehjes dhe informimit dhe liria e mediave në Evropën Juglindore”. Në konferencë ishin të pranishëm Kreu i Zyrës së Këshillit të Evropës në Tiranë, Marco Leidekker, Ambasador i Norvegjisë në Shqipëri, rezident në Kosovë, Jan Braathu, Kreu i Delegacionit të Bashkimit Evropian në Shqipëri, Ettore Sequi dhe Ministrja për Inovacionin dhe Administratën Publike, Milena Harito.

Anëtarë të parlamentit, juriste, përfaqësues të medias dhe eksperte diskutuan rreth gjëndjes aktuale të ligjit për shpifjen, në kuadër të ndryshimeve nga Kuvendi i Shqipërisë të dispozitave të kodit penal dhe civil për shpifjen në vitin 2012. Thelbi i këtyre ndryshimeve ka të bëjë me përcaktimin e përgjegjësisë së gazetarit ne shkrimet e tij si dhe me masën e dëmshpërblimit në rast shpifjeje dhe cënimin e reputacionit tek opinioni publik.

“Një shoqëri demokratike është një shoqëri ku liria e shprehjes është prezente. Duke qënë se vijmë nga një shoqëri e mbyllur, jemi në një lavjerrës ku kalojmë nga një ekstrem në tjetri. Ndaj këtij ushtrimi lirie na duhet një balancë. Legjislacioni shqiptar për median duhet të përshtatet me Bashkimin Evropian “, tha Ministrja për Inovacionin dhe Administratën Publike, Milena Harito. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin