20/02/2014 10:26:47

35 viktima në Ukrainë: turma merr peng 67 policë

Ministrat anuluan sot takimin me presidentin ukrainas, Viktor Janukoviç për arsye sigurie

KIEV - Vetëm sot, janë vrarë nga snajperët 35 protestues në Ukrainë. Policia ka qëlluar me snajper drejt protestuesve, ndërsa këta të fundit kanë marrë peng 67 policë, ndërsa kanë plagosur 27 të tjerë. Mediat e huaja flasin për 287 të plagosur.

Ndërkohë takimi mes ministrave të jashtëm të BE-së dhe presidentit ukrainas është anuluar, ndërsa presidenti i Parlamentit Evropian, Martin Shultz bën apel për ndalimin e dhunës, ndryshe BE-ja do të ndërmarrë sanksione ndaj Ukrainës. Ministrat e Jashtëm të BE-së, që kishin shkuar në Kiev për të zhvilluar bisedime me presidentin Viktor Janukoviç, janë larguar nga Kievi mëngjesin e sotëm. Mësohet se ata nuk kanë zhvilluar asnjë seancë bisedimesh me presidentin Janukoviç, pasi sipas një zyrtari të lartë perëndimor takimi u anulua për arsye sigurie.

* Keshillohet shikimi mbi 18 vjeç



KIEV - Ministrat e Jashtëm të Francës, Gjermanisë dhe Polonisë anuluan sot takimin me presidentin ukrainas, Viktor Janukoviç për arsye sigurie, njoftoi një zyrtar i lartë perëndimor. ”Takimi u anulua për arsye sigurie. Në qendër të Kievit është e vështirë të kalohet”, theksoi ai. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin