19/02/2014 16:29:18

Dhunë alarmante në Ukrainë

Perëndimi bën thirrje për uljen e tensionit në Ukrainë. Deri tani kanë humbur jetën pesë protestues. Policia ka filluar një sulm frontal

BRUKSEL - Shefja e diplomacisë europiane, Catherine Ashton, u shpreh sot shumë e shqetësuar nga shkallëzimi tronditës i dhunës në Kiev, ku, sipas policisë, pesë civilë janë vrarë .

“Jam shumë e shqetësuar për shkallëzimin e ri dhe alarmant të dhunës në Kiev”, deklaroi Ashton në një komunikatë. “Dënoj përdorimin e dhunës dhe u kërkoj me forcë autoriteteve ukrainase të luftojnë rrënjët e krizës”, shtoi ajo.

Shtëpia e Bardhë i kërkoi me forcë sot presidentit ukrainas Viktor Janukoviç t’i japë fund shkallëzimit të dhunës që po ndodh në Kiev, duke paralajmëruar se përdorimi i forcës nuk do ta zgjidhë krizën.

“Shprehim keqardhjen për aktet e dhunës në qendër të Kievit”, deklaroi Laura Lucas Magnuson, zëdhënëse e Këshillit të Sigurisë kombëtare (NSC), duke i bërë thirrje presidentit Janukoviç “t’i japë fund përleshjeve dhe të rifillojë dialogun me opozitën.

Policia në Ukrainë filloi një sulm frontal kundër manifestuesve në sheshin qendror të Kievit, ”Maidan”, me tre autoblinda të pajisura me ujë me presion që po përparojnë në shesh dhe po i shtyjnë protestuesit.

Manifestuesit po kundërpërgjigjen me bomba molotov. Disa tenda të vendosura në sheshin ”Maidan”, i pushtuar që prej afro tre muajve, u dogjën.

Nga protestat e sotme kanë humbur jetën pesë protestues dhe dy policë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin