18/02/2014 16:24:18

Quhet Karta e Shëndetit dhe zëvendëson librezën

Hedhja e të dhënave në librin e shëndetit krijonte radhë të gjata si tek mjekët, ashtu dhe tek farmacistët. Në këtë sens, përfitojnë të dy sistemet

TIRANË - Fondi i sigurimeve shëndetësore nis punën për pilotimin e projektit të kalimit nga libraza e shëndetësit në kartën e shëndetit. Projekti do të nisë shumë shpejt në disa qendra shëndetësore në Tiranë, për t’u shtrirë më pas në të gjithë vendin. Projekt është në fazën e trajnimeve të stafeve mjekësore të qendrave shëndetësore ku dhe do të pilotohet. Sipas drejtorit, Astrit Beci me kartën e shëndetit, mjeku merr të dhënat e pacientit, shkruan recetën sipas nazologjive përkatëse, tashmë jo të detajuara në të gjithë fletët e librit të shëndetit, por në recetën format. Kjo recetë dorëzohet në farmaci, ku pacienti paraqitet dhe kartën e shëndetit, të dhënat e të cilës merren sërish nga farmacisti. Libreza aktuale e shëndetit do të jetë funksionale deri në plotësimin e faqes së fundit të saj, ndërkohë që pacienti do të pajiset më pas me kartë shëndeti. Pajisja e qytetarëve më karta shëndeti do të japë mundësi dhe për projektin e kontrollit bazë të popullatës, që parashikohet të nisë në gjysmën e dytë të vitit. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin