18/02/2014 14:13:34

Kiev, motolov kundër selisë së një partie

Një grup manifestuesish prej 200-300 personash kanë sulmuar me sende të forta (gurë, tulla dhe copëza pllakash betoni) dhe koktele molotov ndërtesën në të cilën ndodhej selia e partisë së presidentit Viktor Janukoviç, në Kiev

KIEV - Një grup manifestuesish kanë sulmuar sot një seli të Partisë së Rajoneve, forca politike e presidentit Viktor Janukoviç me sende të forta dhe koktele molotov, njoftuan burime mediatike ndërkombëtare të cilat ndodhen në Ukrainë. Një grup manifestuesish prej 200-300 personash kanë sulmuar me sende të forta (gurë, tulla dhe copëza pllakash betoni) dhe koktele molotov ndërtesën në të cilën ndodhej selia e partisë së presidentit Viktor Janukoviç, në Kiev, theksonin burimet mediatike, të cilat shtuan se pjesa e fasadës së ndërtesës është dëmtuar plotësisht. Më pas, grupi i protestuesve kanë shpëthryer hyrjen e një garazhi që ndodhej në pjesën qendrore të ndërtesës dhe kanë hyrë brenda duke marrë forcërisht kontrollin e saj.
Pas hyrjes së manifestuesve, ndërtesa ishte e mbuluar nga tymi, ndërsa brenda kishte disa vatra të vogla zjarri, më tej u dogj një flamur blu i partisë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin