18/02/2014 12:53:56

Të gjithë reflektorët nga Renzi !

I frymëzuar nga Tony Blair dhe Barack Obama, 38 vjeçari në krye të qeverisë italiane, premton se do të sjellë New Labor

ROMË - Matteo Renzi, i cili u ngarkua sot me formimin e një qeverie të re në Itali, është një drejtues i ri, i zellshëm dhe që frymëzohet nga modeli i Tony Blairit dhe Barack Obamës.

Në fakt, i panjohur përpara një viti e gjysmë, kryetari i Bashkisë së Firences, 39 vjeç, është një “riosh” i politikës italiane, programi fillestar i të cilit ka të bëjë me “shkatërrimin” e senatorëve të partisë së tij.

Kryetari i Partisë Demokrate shmangu nga rruga e tij veçanërisht disa anëtarë me peshë si ish-kryeministri Massimo D’Alema, ose ish-kryetari i bashkisë së Romës Walter Veltroni.

Dhe të enjten e kaluar, ai e shtyu Enrico Letta-n, ish-numri dy i partisë, drejt daljes, vetëm dhjetë ditë pasi ishte shprehur se qeveria e tij do të zgjaste 18 muaj.

Përdorues aktiv i rrjeteve sociale, ky i zgjedhur lokal, i cili nuk ka patur asnjëherë ndonjë post as në parlament as në ndonjë ministri, gëzon një popullaritet në kundërshtim me zhgënjimin e italianëve ndaj klasës politike.

I zgjedhur në krye të PD-së, forca më e madhe e vendit dhe partia më e madhe e mazhorancës qeveritare, më 8 Dhjetor, Renzi thotë se parashikon ta rithemelojë, sipas mënyrës New Labor të Tony Blair, për ta bërë "një parti më të gjallë dhe inovatore".

“Populli i majtë” dëshironte një ndryshim rrënjësor pas fitores shumë të ngushtë të ish-numrit një të partisë, Pierluigi Bersani, në zgjedhjet legjislative të shkurtit 2013 që e detyruan të majtën të bashkohet me të djathtën për të qeverisur.

Dinamik, ambicioz, “i etur për pushtet”, sipas një pedagogu, Matteo Renzi ka fizikun e një dhëndri ideal, me një tipare fëminore dhe theks toskan me një tingëllimë të lehtë thuthuqi. Ai konsiderohet si një personazh “transversal” (i shtrembër), i aftë të joshë të djathtën, aq sa të impresionojë deri dhe Silvio Berluskonin.

I kritikuar për një program politik pa konture të qarta (më pak taksa mbi ndërmarrjet, më pak shpenzime publike, më pak burokraci), më i distancuar nga sindikatat, Renzi dallohet veçanërisht për talentin e oratorit.

Fjalitë e tij të shkurtra me humor fiorentin qëllojnë në shenjë: “më akuzojnë se vjedh vota tek të djathtët, por po ju jap një lajm ekskluziv: kemi humbur zgjedhjet e fundit”.

Pak i sprovuar nga ana ideologjike, ai frymëzohet nga pamja e presidentit amerikan Barack Obama, duke parapëlqyer të paraqitet me mëngë të këmishës të palosura. Shpesh i shfaqur duke marrë pjesë nëpër maratona apo duke ecur me biçikletë në qytetin e tij, atij i pëlqen të shpalosë një xhaketë prej lëkure për të cilën u satirizua, pasi e tregonte si Fonzie, heroi i serisë amerikane Happy Days (Ditët e Lumtura).

Lindur më 11 janar 1975 në Firence, ky i diplomuar për drejtësi, fillon të militojë në moshën 19 vjeç në gjurmët e të atit, i zgjedhur lokal kristiandemokrat.

Përpara se t’i futet rrugës së politikës, Matteo Renzi punon për shoqërinë e shërbimeve marketing CHIL që i përket familjes, dhe bën pjesën më të madhe të pasurisë së tij falë gazetës së qendrës së Firences, “La Nazione”.

Hapi i madh hidhet në 2001-n kur ai bëhet koordinator lokal i partisë së krishterë të qendrës së majtë La Margherita. Ky i moderuar zgjidhet nga qendra e majtë për zgjedhjet lokale të qershorit 2004 të cilat i fiton bindshëm me 58,8 për qind të votave.

Në 2006, ai boton një libër rreth përvojës së tij në krye të provincës së Firences, me titull ”Mes De Gasperi (lider historik i kristiandemokratëve, shën.përkth) dhe grupit të rokukt U2″. Gjatë mandatit pesë vjeçar, ai shprehet për rilindjen e politikës dhe bëhet popullor duke ulur taksat lokale.

Por, ishte gara për bashkinë e Firences, që e dalloi më tepër. PD-ja ka një tjetër kandidat, por Renzi fiton habitshëm zgjedhjet brenda partisë së qendrës së majtë në shkurt 2009, prolog i fitores së tij në zgjedhjet lokale qershorin e ardhshëm.

Renzi është i martuar me një ish-shoqe të skautizmit, Anjezën, mësuese e italishtes. Ata kanë tre fëmijë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin