17/02/2014 18:00:59

Renzi, premtimet e para për një Itali më të reformuar

''Do të vendos të gjitha energjitë dhe aftësitë e mia që reformat të kryhen sa më mirë'''

ROMË - Shefi i Partisë Demokrate, Matteo Renzi, i ngarkuar sot për krijimin e qeverisë së re italiane, premtoi se do të përdorte të gjitha energjitë e veta, entuziazmin dhe angazhimin për të reformuar Italinë.
“Do të vendos të gjitha energjitë dhe aftësitë e mia që reformat të kryhen sa më mirë. Për mua prioritet janë nga reforma institucionale, mbi punën, administratën publike dhe mbi reformën fiskale”, deklaroi Renzi pasi mori nga presidenti Giorgio Napolitano detyrën për formimin e qeverisë së re.
Renzi, 39 vjeç, ka publikuar edhe një kalendar të ngjeshur me reforma, që nga shkurti për reformën institucionale deri në mars me reformën fiskale.
Ai saktësoi se pas takimit me Napolitanon, do të kthehej menjëherë në Firence për të paraqitur dorëheqjen në postin e kryetarit të bashkisë dhe më pas do të shkonte në Romë për të filluar nesër konsultimet zyrtare me aleatët. “Do të marrim kohën e nevojshme për të kryer këto konsultime që duket që tani se janë shumë delikate”, shtoi Matteo Renzi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin