15/02/2014 16:31:56

Role pule deti me salcë domateje

nga Brunhilda Çela

Sekretet e aromave të Brunhildës Përbërësit për 4 racione:

1 thelb hudhër
1 spec i kuq (rreth 200 g)
2 presh (ca. 500 g)
2 dega trumëz
kripë
10 copa shnicle prej pule deti (rreth 750 g)
Piper të zi
mustarde rreth 10 lugë çaji por jo me majë (rreth 40 g)
2 lugë gjelle vaj luledielli (rreth 20 g)
400 gr domate të qëruara prej lëkurës
200 g Bullgur
1 lugë gjelle gjalpë (rreth 15 g)


Përgatitja: Qëroni hudhrën priteni imët. Qëroni specin nga farat gjithashtu e prisni në kubikë. Preshin gjithashtu e pastroni mirë e lani mirë dhe pastaj e thani. E prisni në 10 copa, copat duhet të kenë gjerësinë e copave të mishit që do bëhen role. Pjesën e tepërt të preshit e grini imët.

Trumëzës gjithashtu i hiqni gjethet dhe i vini në një tas të vogël. Copat e preshit i zieni pak në 350 ml ujë me kripë rreth 2 minuta. E hiqni preshin e zier me një lugë me vrima e kulloni mire dhe lëngun e ruani.

Copat e mishit i kriposni i lyeni me një lugë çaji mustardë vini preshin aty e bëni rrole e fiksoni rollenë me kunjat e drurit dhe përsëri nga jashtë e kriposni dhe e piperosni.

Në një tigan me vaj të nxehur i vëmë rollete të skuqen fort nga të gjitha anët pra të na marrin një faqe të bukur, pastaj aty shtojmë preshin, hudhrat, domatet me lëngun e tyre, trumëzën dhe i lëmë të ziejnë ngadalë rreth 30 minuta në temperaturë të ulët.

Ndërkohë ziejmë bullgurin.

Lëngut që hoqëm mënjanë i shtojmë rreth 360 ml ujë. Shtojmë aty bullgurin, gjalpin dhe specat e prerë në kubikë. Nëse ka nevojë më për kripë i hedhim përsëri dhe e lëmë të ziejë rreth 15 minuta në temperaturë jo shumë të lartë.

E servirim me rolenë, salcën e saj dhe bullgurin. Ju bëftë mirë nëse e provoni këtë recetë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin