14/02/2014 15:06:11

Largohet Zana Xhuka

Socialistët firmosin kërkesën për shkarkimin e kryeinspektores

TIRANE - Deputetët e mazhorancës firmosën kërkesën për shkarkimin e K/inspektores së ILDKP-së, Zana Xhuka. Lajmi u dha nga Komisioni i ligjeve. Grupi i kontrollit tha se emërimi i Xhukes ishte i pavlefshëm pasi ishte bërë në kundërshtim me ligjin, pasi neni 12, sanksiononte se, kreu i ILDKP-së duhet të ketë arsim të lartë si ekonomist financier ose jurist. Parlamenti ngriti një grup kontrolli pas përplasjeve mes punonjësve të inspektoratit dhe drejtueses së tij Zana Xhuka. Mazhoranca kërkon të rrëzojë kërkesën e opozitës për ngritjen e një komisioni hetimor parlamentar në lidhje me ndërhyrjen e paligjshme në sistemin kompjuterik të Tatimeve. Partia Demokratike ka depozituar ankimime në Gjykatën Kushtetuese. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin