12/02/2014 19:18:19

Rita Ora reklamon koleksionin e ri të buzëkuqëve e manikureve Rimmel

Rita Ora bashkepunon me Rimmel

LONDER- Këngëtarja e famshme kosovare, Rita Ora, mesa duket po ndjek gjurmët e Kate Moss. Rimmel ka nxjerrë në treg produktet e para të koleksionit “Colour Rush Lip” me buzëkuqe dhe manikure që i përshtaten stilit tashmë të njohur të Rita Orës, e cila do të jetë promovuesja e këtij koleksioni të firmës së njohur kozmetike angleze.

Nga marsi të gjithë fansat e Rita Orës dhe të Rimmel do mund të përdorin shtatë ngjyrat e ndryshme të koleksionit, i cili pritet të jetë tejet i suksesshëm. Cdo tonalitet dhe ngjyre është zgjedhur me kujdes për të vënë në pah energjinë dhe personalitetin eksploziv të Rita Orës.

Rita ka zgjedhur emrat e secilës prej nuancave. Një shpërthim i vërtetë ngjyrash të theksuara karakterizon edhe koleksionin prej 12 ngjyrash të manikureve edhe këta të emëruar nga Rita sipas fantazisë së saj.
“Më ka pëlqyer shumë bashkëpunimi me Rimmel” – është shprehur Rita, e cila tregon se të dyja koleksionet janë frymëzuar nga stili dhe personaliteti i saj.

Daniela Vathi

Dërgo me email | Stampo artikullin