12/02/2014 18:10:34

Gjika: Shtyhet seanca

Seanca tjetër do të zhvillohet më 24 shkurt

TIRANE - Shtyhet seanca gjyqësore ndaj kreut të Bashkisë së Vlorës Shpëtim Gjika. Gjykata tha se se shtyrja u bë për shkak të mungesës së 4 dëshmitarëve. Seanca tjetër do të zhvillohet më 24 shkurt. Gjika, në bashkëpunim me persona të tjerë akuzohet për falsifikim të dokumenteve të KRRT-së të institucionit që ai drejton. Bëhet fjalë për objektin që ndodhet te vendi i quajtur “Tre racat”, ndërsa objekti i dytë ndodhet brenda territorit të portit. Numri i personave në hetim nga Prokuroria e Vlorës në lidhje me dosjen Gjika është shtatë. I pyetur në lidhje me raportet e tij me të arrestuarin si pjesëtar i grupit të tritolit Marjon Mitro kryebashkiaku Gjika u shpreh shkurt: “Kam bërë një deklaratë për këtë çështje dhe i qëndroj asaj”. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin