12/02/2014 17:41:53

Të mbroshesh nga interneti

Nga të dhënat mosha e përdoruesve të rrjeteve sociale kryesisht janë të rinjtë nën 24 vjeç

TIRANË - Tashmë është e njohur se krahas informacionit dhe argëtimit, interneti mund të sjellë shumë rreziqe, sidomos për fëmijët dhe adoleshentët. "Mos jepni kurrë informacione personale si numra telefoni, adresë të shkollës suaj, shtëpisë, adresë të postës elektronike, personale apo të punës së prindërve, kur regjistroheni në faqe të caktuara internet", shkruan Organizata World Vision në disa fletëpalosje.

Këshillohet gjithashtu dhe postimi i kujdesshëm i fotove të fëmijëve, për të mos u bërë pre e maniakëve të internetit. Organizata World Vision këshillon fëmijët dhe adoleshëntët që gjithmonë të komunikojnë me prindërit ose një të rritur të besuar, për çdo informacion apo situatë që i bën të ndihen në siklet.

Nga të dhënat mosha e përdoruesve të rrjeteve sociale kryesisht janë të rinjtë nën 24 vjeç. Por ndër përdoruesit aktivë të rrjeteve sociale, përfshihet dhe një përqindje jo e vogël e moshave nën 18 vjec. Sipas një studimi të bërë mbi një vit më parë në shkollat shqiptare, nga Komisioneri për Mbrojtjen e të Dhënave Personale, në vendin tonë, mbi 90% e fëmijëve të moshës 10-16 vjeç janë regjistruar të paktën në një nga rrjetet sociale si Facebook, My Space, ose Hi5. Rreth 42 % e fëmijëve dhe adoleshentëve pranojnë të kenë krijuar njohje të reja përmes rrjeteve sociale. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin