11/02/2014 18:44:36

Qyteti që rrit faturat e ujit të pijshëm

Konsumatorët gjirokastritë e cilësojnë një veprim abuziv që prek interesat ekonomike

GJIROKASTËR - Çmimi i ujit të pijshëm, për konsumatorët e qytetit të Gjirokastrës, nga sot do të jetë 200 lekë më i lartë se ai që gjiirokastritët kanë paguar deri më sot.

Vendimi për ndryshimin e tarifës për pagesën e ujit të pijshëm u vendos të martën nga Këshilli Bashkiak i qytetit jugor, sipas të cilit, përfitimi nga ndryshimi i tarifës do të shkojë për investimet në sistemin e ujësjellës-kanalizimeve, ëka do të përmirësojë edhe cilësinë e shërbimit ndaj konsumatorëve.

Drejtori i Ndërmarrjes së Ujësjellës-Kanalizimeve, në Gjirokastër, Dasho Qeli, tha se rrija e çmimit është një domosdoshmëri për ndërmarrjen, pasi do të sjellë më shumë cilësi për konsumatorët.

Duke shprehur pakënaqësi për këtë rritje, qytetarë gjirokastritë shprehen për se ky vendim nuk justifikon aspak shërbimin ndaj tyre me ujë, apo dhe disiplinimin e kanalizimeve të ujërave të bardha apo të zeza.

Banorët e Gjirokastrës ngrenë pretendimin se furnizohen me ujë të pijshëm vetëm një herë në ditë. Ndërkohë që burime zyrtare nga Ndërmarrja e Ujësjellës-Kanalizimeve pohojnë se janë mbi 500 lidhje të paligjshme, të cilat pengojnë furnizimin normal me ujë të pijshëm për konsumatorët gjirokastritë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin