11/02/2014 12:52:04

Gati mikrokreditë për veriun

Diskutime rreth projektit ''Aksesi në financë''. Në pritje të një fondi prej 15 milion euro nga Kooperacioni Italian, i cili do të përdoret në formë kredie për ndërmarrjet e vogla e të mesme

SHKODËR - Aksesi në financë është projekti që u prezantua sot nga përfaqësues të Agjencisë Shqiptare të Zhvillimit të Investimeve (AIDA) për komunitetin e biznesit për rajonin e Shkodrës.

Ergest Lekdushi, përgjegjës i sektorit të Ndërmarrjeve të Vogla e të Mesme pranë AIDA-s, tha se janë në plan një seri trajnimesh me fokus mundësitë e financimit të ndërmarrjeve mikro, të vogla dhe të mesme.

AIDA dhe JICA ka aktualisht fondin e konkurueshmërisë, inovaconit dhe në projekt është edhe ai i artizanatit. Lekdushi bëri të ditur se janë në pritje të një fondi prej 15 milion euro nga Kooperacioni Italian, i cili do të përdoret në formë kredie për ndërmarrjet e vogla e të mesme.

Pas atij të zhvilluar në rajonin Tiranë - Durrës, ky është takimi i dytë që AIDA organizoi me komunitetin e biznesit të rajonit Shkodër - Lezhë, ndërkohë që sipas organizatorëve, do te kete në ditët në vazhdim takime të tilla sensibilizuese për aksesin në financë edhe në rajonet e Korçës, Beratit, Vlorë-Fier dhe Gjirokastër. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin