10/02/2014 16:23:37

Tiranë, ''Gjika'' sot në Gjykatë

Trupa e gjyqtarëve e drejtuar nga Gjykatësi Arben Micko nis shqyrtimin e dosjes së kryebashkiakut të Vlorës i akuzuar për falsifikim

TIRANË - Gjykata e Tiranës ka vendosur të shqyrtoj dosjen në ngarkim të kryetarit të Bashkisë Vlorë, Shpëtim Gjika, ditën e mërkurë, 12 Shkurt. Ditën e mërkurë në orën 10:00, në Gjykatën Penale Tiranë, trupa e gjyqtarëve e drejtuar nga Gjykatësi Arben Micko do të nisë shqyrtimin e dosjes “Gjika”. Kreu i Bashkisë së Vlorës akuzohet për “Falsifikim të dokumentave nga personi që ka për detyrë t’i lëshojë ato, kryer në bashkëpunim, të kryer dy herë, si dhe ndërtim i paligjshëm të kryer në bashkëpunim”. Në total numri i personave në hetim nga prokuroria e Vlorës në lidhje me dosjen “Gjika”, janë shtatë, Blerdi Licaj, Eleni Dardhaj, Gentian Sherifaj, Gëzim Feta, Shpëtim Gjika, Mustafa Tartari, Artan Ferati dhe Aleks Ahmataj
Në Vlorë u zhvilluan dy seanca gjyqësore dhe më pas është marrë vendimi për të transferuar dosjen për gjykim në Tiranë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin