08/02/2014 18:41:23

Hapet salloni i çokollatës

Që prej hapjes së sallonit dje, vizitorë të shumtë vijnë nëpër stendat, ku artizanë të vegjël dhe emra të mëdhenj të çokollatës belge, si Neuhaus ose Godiva, rivalizojnë për të joshur një publik të sprovuar

BRUKSEL - Veshje prej çokollate, male me ganash (çokollatë e përzier me krem shën. i përkth.) dhe shefa të çokollatës që tregojnë mjeshtërinë e tyre, salloni i çokollatës, pasi ka qenë në të katërt cepat e botës, mbërrin më në fund në Belgjikë, që konsiderohet edhe si atdheu i çokollatës.

“Kemi menduar prej vitesh, por nuk kemi guxuar që të vijmë, sepse Belgjika është një sallon çokollate në vetë-vete”, shpjegon Sylvie Douce, e cila organizon që prej 20 vitesh sallonet e çokollatës nga Parisi deri në Seul.
“Përse duhet të vijnë njerëzit, ndërkohë që mund të gjejnë çokollata në çdo cep të rrugës?”, thotë Douce, e cila përfundimisht vendosi të organizojë një sallon për tre ditë në Bruksel.

Që prej hapjes së sallonit dje, vizitorë të shumtë vijnë nëpër stendat, ku artizanë të vegjël dhe emra të mëdhenj të çokollatës belge, si Neuhaus ose Godiva, rivalizojnë për të joshur një publik të sprovuar. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin