08/02/2014 10:40:43

Viktima nga stuhitë në Tokio

Stuhia mbërriti në ishullin e Kyushusë (në jugperëndim të Japonisë) mbrëmjen e djeshme dhe po vijon sot, një stuhi dëbore dhe shiu, në pjesën më të madhe të ishullit kryesor të Honshusë, të Hiroshimës në rajon e Tohokusë

TOKIO - Një stuhi dëbore përfshiu sot Tokion, epiqendra e furtunës që po godet Japoninë, duke shkaktuar deri tani dy të vdekur dhe 89 të plagosur si edhe duke paralizuar edhe lëvizjen e qindra avionëve. Stuhia mbërriti në ishullin e Kyushusë (në jugperëndim të Japonisë) mbrëmjen e djeshme dhe po vijon sot, një stuhi dëbore dhe shiu, në pjesën më të madhe të ishullit kryesor të Honshusë, të Hiroshimës në rajon e Tohokusë (veri lindje), në metropolet e Osakas, Nagoyas dhe Yokohamas si dhe në kryeqytet.Televizioni publik NHK raportoi të paktën 89 të plagosur, nga të cilët 17 në gjendje më të rëndë, në lindje të kryeqytetit gjatë incidenteve të shkaktuara nga dëbora. Gjithashtu ai njoftoi një aksident me makinë, mesa duket shkaktuar nga ngrica në rrugë, ku mbetën të vrara dy gra, 88 dhe 90 vjeçe. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin