07/02/2014 08:51:00

Dy muaj për të hetuar lëvizjet në polici

Miratohet komisioni hetimor. Demokratët do të deklarojnë objektin dhe përbërjen e tij

TIRANE - Me 106 vota pro, 3 kundër dhe 4 abstenim, Kuvendi miratoi rreth orës 22.00 të mbrëmjes së sotme ngritjen e Komisionit Hetimor parlamentar për lëvizjet në Policinë e Shtetit.Pas një seance, që ka nisur rreth orës 10.00 të paradites së sotme, e cila u shoqërua me debate të ashpra, deputetët e mazhorancës dhe opozitës, kanë gjetur konsensusin me ngritjen e këtij Komisioni.

Komisioni parlamentar për lëvizjet në policinë e shtetit, do të drejtohet nga opozita dhe do të ketë 8 anëtarë të mazhorancës dhe 7 të opozitës me një periudhë kohore prej dy muajsh për të hetuar.

Propozimi i Gramoz Ruçit, bëri që deputetët e parlamentit të gjejnë dakortësinë për ngritjen e këtij komisioni. Më herët, gjatë diskutimeve lidhur me këtë çështje, Kryetari i Grupit Parlamentar te PS-së, Gramoz Ruçi propozoi që opozita të ndryshojë objektin e e hetimit dhe të bëjë të ditur përbërjen e komisionit.

Më herët, lidhur me komisionin hetimor, Kryeministri Rama i kërkoi opozitës "... mon bëni kot viktimën opozitare se po ju shkelen të drejtat se askush nuk ju beson dhe askush nuk ju pengon që të hetoni çfarë të doni brenda kornizës kushtetuese dhe parlamentare. Doni të hetoni ? Bujrum hetoni ! Nga çfarë flisni dhe çfarë shkruani s’ka zot ta marri vesh se çfarë doni të hetoni", tha Rama. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin