06/02/2014 17:00:45

Raporti për pedofilinë: Vatikani debaton me OKBnë

OKB thotë se Vatikani ka shkelur Konventën e Fëmijëve në reagimin dhe përgjigjen ndaj abuzimeve seksuale me fëmijë nga kleri

QYTETI I VATIKANIT - Vatikani ka akuzuar OKB-në për "deformimin" e fakteve në një raport "të përgatitur në avancë" dhe të publikuar në Gjenevë, tepër kritikues ndaj Kishës lidhur me sjelljen përballë abuzimeve të pedofilisë.

"Mund të themi se ky raport i Komitetit të të Drejtave të Fëmijëve në OKB ishte përgatitur në avancë, para takimit me delegacionit të Selisë së Shenjtë", u shpreh Monsinjor Silvano Tomasi, vëzhgues në OKB, gjatë një
interviste për Radio Vatikanin.

"Doumenti i OKB-së nuk duket i ditëve të fundit", tha prelati, para se të specifikonte masat e marra nga Kisha Katolike kundër këtyre abuzimeve.
"Është një çështje faktesh dhe provash, që nuk mund të tjetërsohen dhe as deformohen!", veçoi ai.

Vatikani ka shkelur Konventën e të Drejtave të Fëmijëve në reagimin dhe përgjigjen ndaj abuzimeve seksuale me fëmijë nga kleri, deklaroi sot shefja e Komisionit të Organizatës së Kombeve të Bashkuara për të Drejtat e Fëmijëve.

"Përgjigja është e thjeshtë dhe pozitive, po kanë shkelur Konventën dhe deri tani vazhdojnë ta bëjnë këtë, sepse nuk i kanë përmbushur të gjitha obligimet të cilat i kishin premtuar se do të ndërmerrnin", theksoi Kirsten Sandberg. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin