06/02/2014 12:05:18

60 mijë luftëtarë të huaj luftojnë në Siri

Sipas informacioneve të marra nga forumi, janë rreth 40 mijë milicë shiitë që kanë vajtur në Siri në mbështetje të shtypjes së revoltës popullore që ka shpërthyer në vitin 2011

BEJRUT - Janë më shumë se 60 mijë luftëtarët e huaj xhihadistë, sunnitë dhe shiitë që luftojnë në Siri përkrah milicisë kundër regjimit dhe të atyre besnike të Bashar al Assadit, me një supremaci të ndjeshme të muxhahedinëve pro regjimit, që janë rreth 40 mijë, sipas Riad Qahwaji, ekspert i çështjeve ushtarake dhe strategjike. Qahwaji, në një artikull në të përditshmen panarabe "al Hayat", citon burime të sigurta që ishin të pranishme në Forumin Ndërkombëtarë për Sigurinë që u krye në Marakesh, në Marok, më 25 dhe 26 janar. Muxhahedinët besnikë ndaj regjimit vijnë kryesiht nga Irani, Iraku, Libani, Jemeni, Afganistani, Azerbaxhani dhe Pakistani. Në krahun tjetër, numërohen rreth 8 000 milicë sunnitë që vijnë nga Libani, Tunizia, Algjeria dhe Maroku, nga ku shumica janë libanezë. Por numërohen të paktën 5 000 persona që vijnë nga vendet evropiane dhe mijëra të tjerë nga vende të ndryshme myslimane, me një total prej 20 mijë muxhahedinësh.
Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin