05/02/2014 16:58:25

Konsullatë e përbashkët Kosovë - Shqipëri në Milano

Hoxhaj: ''nuk ka agjendë të fshehtë për bashkimin kombëtar të Shqipërisë me Kosovën dhe se me këtë ka nisur një kapitull i ri ndërmjet dy popujve''

PRISHTINE - Ministri i Jashtëm, Enver Hoxhaj tha se do të hapet një konsullatë të përbashkët mes Shipërisë dhe Kosovës në Milano të Italisë. Lajmi u dha nga e përditshmja Zëri. "Qytetarët kosovarë dhe ata shqiptarë do të kenë mundësi së shpejti të marrin ndihmën e nevojshme për interesat e tyre në Milano, veçmas pjesa veriore e Italisë e banuar me shqiptarë. Ne po shohim dhe studiojmë mundësi të tjera për konsullata të përbashkëta në vende tjera" ka thënë Hoxhaj. Hoxhaj tha se nuk ka agjendë të fshehtë për bashkimin kombëtar të Shqipërisë me Kosovën dhe se me këtë ka nisur një kapitull i ri ndërmjet dy popujve. Megjithatë sipas Hoxhajt, takimet e përbashkëta ndërmjet qeverive do të zhvillohen edhe me vendet e tjera në rajon. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin