05/02/2014 16:10:31

Vendimi që do acarojë situatën mes izraelitëve dhe palestinezëve

Miratohen planet për ndërtimin e 558 banesave të reja në lagjet e kolonive të Jerusalemit Lindor

JERUZALEM - Bashkia izraelite e Jerusalemit dha sot miratimin për disa plane për ndërtimin e 558 banesave të reja në lagjet e kolonive të Jerusalemit Lindor të pushtuar dhe aneksuar. Anëtarja e Komitetit ekzekutiv të Organizatës për Çlirimin e Palestinës, (OÇP), Hanane Ashraui, i dënoi planet për ndërtimet e fundit në lagjet e kolonive në Jerusalemin Lindor, duke akuzuar Izraelin për provokim të qëllimshëm në mënyrë që t’i detyrojë palestinezët të heqin dorë nga bisedimet dhe të fajësohen ata për shkatërrimin e procesit të paqes”. “Kryeministri izraelit Benjamin Netanjahu u dha një mesazh të fortë Shteteve të Bashkuara, Evropës dhe mbarë botës, duke treguar se nuk ka aspak ndërmend të respektojë të drejtën ndërkombëtare dhe vullnetin e komunitetit ndërkombëtar”, theksoi Ashraui në një komunikatë publikuar sot. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin