05/02/2014 12:05:01

Meta pret ministrin britanik për europën

Lidington shpreh angazhimin e Qeverisë Britanike për perspektivën europiane të Shqipërisë

TIRANE - Kryetari i Kuvendit Ilir Meta priti sot Ministrin e Shtetit të Mbretërisë së Bashkuar për Europën David Lidington me të cilin biseduan rreth forcimit të marrëdhënieve dypalëshe dhe ecurisë së reformave në vendin tonë.

Kryetari i Kuvendit Ilir Meta i vlerësoi marrëdhëniet mes dy vendeve si të shkëlqyera dhe theksoi se Britania e Madhe përfaqëson një partner shumë të rëndësishëm për të ardhmen e Shqipërisë dhe rajonit tonë.

Meta deklaroi vullnetin e plotë për avancimin e axhendës së reformave vendimtare që kërkon vendi dhe qytetarët siç janë reforma administrative territoriale, reforma në drejtësi, si dhe reformat ekonomike e sociale.

Ministri Lidington shprehu angazhimin e Qeverisë Britanike për perspektivën evropiane të Shqipërisë dhe nënvizoi se forcimi i sundimit të ligjit dhe reforma në drejtësi do të jenë kyçe në këtë drejtim.

Lidington vuri në dukje gjithashtu se Mbretëria e Bashkuar mbetet e përkushtuar ndaj Shqipërisë dhe rajonit, dhe në këtë kontekst është e gatshme të zgjerojë mbështetjen e saj në avancimin e reformave prioritare të Shqipërisë.

Kryetari i Kuvendit Meta dhe Ministri i Shtetit Lidington ndanë bindjen e përbashkët se forcimi i dialogut politik dhe gjithëpërfshirja mbeten shumë të rëndësishme për progresin e reformave. Na ndiqni dhe në Facebook dhe Twitter

Komunikatë për shtyp

Dërgo me email | Stampo artikullin