04/02/2014 18:28:03

Konflikte interesi brenda BE-së

Ankesa për transparencë të pakët brenda institucioneve europiane. Administrata e BE-së duhet të respektojë standardet më të larta

BRUKSEL - Ndërmjetësuesja europiane ftoi sot Komisionin Europian të plotësojë raportin për korrupsionin në BE me një kapitull për integritetin e institucioneve europiane përballë grupeve të presionit shumë aktive në Bruksel. Irlandezja Emily O’Reilly bëri të ditur në një komunikatë se merrte rregullisht ankesa lidhur me institucionet, sidomos akuza për konflikte interesi dhe çështje të quajtura “dyer rrotulluese” kur një komisioner apo një funksionar i lartë europian punon në kabinete këshilluese. "Administrata e BE-së duhet të respektojë standardet më të larta, veçanërisht kur bëhet fjalë për transparencë, rregulla strikte në fushën e konflikteve të interesit dhe norma të larta integriteti në fushën e tregjeve publike", deklaroi ajo në një komunikatë. Ndërmjetësi evropian heton lidhur me raste të keqadministrimit në veprimin e institucioneve dhe organeve të Bashkimit Europian. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin