04/02/2014 11:36:35

Ekathimerini për trafikun e armëve Shqipëri-Greqi

E përditshmja greke shkruan për një aksion të fshehtë nga Shërbimin informativ grek për identifikimin e blerësve të armëve

ATHINE - E përditshmja greke "Ekathimerini" shkruan sot për tregti armësh mes shqiptarëve dhe grekëve. "Vazhdon tregtia e armëve mes kriminelëve shqiptarë dhe terroristëve në Greqi", shkruan e përdtishmja në një artikull të saj.

Për një arsenal të vogël me armë të rënda të shtunën, Ekathimerini shkruante se, pas këtyre armëve fshihen kontrabandistë grekë e shqiptarë.

Sekuestrimi i armëve nuk ka qenë një rastësi, por aksion i fshehtë i zhvilluar nga Shërbimin informativ grek për të identifikuar blerësit e armëve, aksion që sipas gazetës rezultoi i pasuksesshëm, pasi nuk u krye shkëmbimi i fundit i armëve.

Ditën e shtunë në rajonin e Paleo Faliro, në një makinë të braktisur u gjetën 4 raketa RPG, tre automatikë kallashnikovë, 4 granata difensive, një numër i madh fishekësh me kalibër 7,62 mm, doreza dhe maska. Makina rezultoi të ishte vjedhur më 1 janar, ditën që doli me leje nga burgu i shumëkërkuari Kristodulos Ksiors, ish-ekzekutor i organizatës terroriste 17 Nëntori.

Të dielën pasdite, nga shërbimi balistik i policisë greke u bë e ditur se armët nuk janë përdor asnjëherë në ndonjë prej akteve terroriste të mëparshme.

Kjo gjë përforcon mendimin se armët e gjetura ndodheshin aty në pritje të dorëzimit të ndonjë organizate terroriste vendase. //shekulli online//

HermesNews

Dërgo me email | Stampo artikullin