04/02/2014 01:30:43

Irlande: dy të rinj vdesin pasi marrin pjesë në një NekNominate

NekNominate është një lojë alkolike: kush bën pjesë duhet të marrë një pije alkolike, t'a pijë të gjithën me fundë, të filmohet, ta postojë në facebook e të bëj tagg një pjesmarrës të ri

HermesNews - Dy të rinj irlandezë kanë vdekur gjatë fundjavës. I pari - Ross Cummins, 22 vjeç - është gjendur i pa jetë në banesën e tij në Dublin dhe ka vdekur të shtunën në mëngjes në spital.

I dyti - Jonny Byrne, 19 vjeç - gjendet në lumin Milford Bridge pa jetë.

Ka diçka që i bashkon dy viktimat. Ai i pjesëmarrjes në një "lojë" që po bën bujë çdo ditë e më shumë dhe që quhet NekNominate. Për çfarë bëhet fjalë ? E thjeshtë: për një modë të re, një lojë alkolike me efekte të rënda që po fiton çdo ditë e më shumë sukses në gjithë botën.

Në substancë "loja" parashikon që duhet të filmohesh ndërkohë që po konsumon pijen alkolike me fund me një frymë, duke ju lëshuar sfidë të tjerëve në rrjet.

Fenomeni është alarmant sepse përfshin mijëra të rinj në gjithë botën, që pasi bëjnë "lojen" nuk hezitojnë ta publikojnë videon në rrjet dhe të gjuajnë viktimën e radhës në këtë zinxhirë, duke i bërë tagg në facebook.

E pashpjegushme sesi shumë herë viktima e sheh si një sfidë personale, por rezultatet mund të jenë negative, si në rastin e dy irlandezëve. Na ndiqni dhe në Facebook dhe Twitter

HermesNews ©2014

Dërgo me email | Stampo artikullin