02/02/2014 10:04:25

Kohë e keqe në Itali

Pamje mbresëlënëse televizive paraqisnin sot urën Milvio, në veri të Romës, ku lumi Tiber vërshonte me shpejtësi duke kaluar shtratin e tij ose Arno në Piza që kishte arritur në kuota jashtëzakonisht të larta

ROMË - I gjithë gadishulli dhe ishujt italianë po përjetojnë dy ditët e fundit kushte të këqija të motit, ku përmendim përmbytjet nga lumenjtë, rrëshqitjet e tokës, reshjet e shumta të dëborës në Alpe, shi dhe stuhi në disa zona të tjera. Moti i keq planifikohet të vazhdojë deri të martën. Pamje mbresëlënëse televizive paraqisnin sot urën Milvio, në veri të Romës, ku lumi Tiber vërshonte me shpejtësi duke kaluar shtratin e tij ose Arno në Piza që kishte arritur në kuota jashtëzakonisht të larta. Ndërsa niveli i lumit Tiber vijon të rritet, reduktimi i reshjeve në Toskanë mundëson pakësimin e nivelit të Arnos, i cili dje paraqitej lumi më i rrezikshëm. Në lagjen ”Prima Porta”, në veri të Romës, rrugët ishin të mbuluara nga uji, garazhet dhe bodrumet ishin të përmbytyra nga vërshimet e lumit Tiber duke pushtuar madje edhe terrene sportive. Sipas Mbrojtjes Civile Italiane, Tiber duhet të mbetet gjithsesi nën kuotat e gjendjes alarmante. Të shumta ishin akset rrugore të përmbytura në zonat bregdetare pranë Fiumicinos, aeroporti kryesor i Romës. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin