01/02/2014 08:47:07

Nausika Spahia, akuza për abuzime me paratë e shqiptarëve jashtë

Balla, ''ish-konsullja e Përgjithshme duke tejkaluar çdo kompetencë që i njeh ligji... lidh kontratë...në kundërshtim të hapur me aktet ligjore''

MILANO - Ministria e Jashtme ka denoncuar ish konsullen shqiptare në Milano, Nausika Spahinë për abuzime me shuma të mëdha financiare. Pjesë e hetimeve është edhe Gjon Çoba, vëllai i ish-kryetares së Kuvendit, Jozefina Topalli. Spahia akuzohet se ka lidhur një kontratë të paligjshme telefonike në kurriz të emigrantëve. Pas publikimit të lajmit për padinë ndaj ish-konsulles Spahia, reagoi edhe nënkryetari i grupit parlamentar të PS-së, Taulant Balla. "Ish-konsullja e Përgjithshme duke tejkaluar çdo kompetencë që i njeh ligji... lidh një kontratë e cila përveçse është në kundërshtim të hapur me aktet ligjore dhe nënligjore, përveçse është në kundërshtim të hapur me Kodin e Procedurave Administrative bie ndesh me të drejtën themelore të shtetasve shqiptarë atë që me Kushtetutë iu garantohet mbrojtja e interesave të tyre jashtë territorit të RSH-së", shprehet Balla. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin