31/01/2014 16:31:00

Infermierët: gati programet e reja

Sabri Skënderi: ''i kemi propozuar MAS që të bëjmë standartizimin e programeve të formimit në një nga programet më të mira europiane, si dhe standartizimin e emërtesave dhe diplomave, sepse diferencat e programeve kanë sjellë probleme në provimin e Shtetit, por ketë probleme janë vënë në dukje edhe nga koleget ndërkombëtarë''

TIRANE - Urdhri i Infermierit kërkoi standartizim të programeve të formimit, si dhe standartizim të emërtesave dhe diplomave në universitetet publike dhe private në vend.

Gjatë konferencës kombëtare për cilësinë e kujdesit shëndetësor, mbajtur në Hotel Tirana International, Presidenti i këtij urdhri, Sabri Skënderi tha se “i kemi propozuar MAS që të bëjmë standartizimin e programeve të formimit në një nga programet më të mira europiane, si dhe standartizimin e emërtesave dhe diplomave, sepse diferencat e programeve kanë sjellë probleme në provimin e Shtetit, por ketë probleme janë vënë në dukje edhe nga koleget ndërkombëtarë”.
Duke vlerësuar ndryshimin që ka sjellë Ligji për profesionet e rregulluara dhe Provimin e Shtetit, Skënderi tha se në këtë kuadër duhet vlerësuar më mirë praktika profesionale 3 mujore.
Ndërkohë, ai theksoi se ka shumë probleme me nivelin profesional me aftësitë dhe njohuritë profesionale. “Shqetësimet më të mëdha janë me shërbimet e urgjencave, ku është porta kryesore në një institucion, ku është ballafaqimi i pare me pacientët e familjaret, ku fillon kënaqësia dhe pakënaqësia”, tha Skënderi. Sipas tij, probleme janë vërejtur nga mbikëqyrjet e bëra në shërbimet në QSUT, në spitale rrethesh mbi organizimin e punës, mbi aftësitë e profesionistëvse, të cilët shpesh nuk janë gjetur në krye të punëve.

Sipas tij, objektiv për vitin 2014 mbeten sjelljet etiko-profesionale dhe rritja e cilesisë së kujdesit Shëndetësor. Për këtë, UISH do të ngrejë grupe të përbashkëta pune për mbikëqyrjen e Kujdesit në përputhje me Kodin-Etike Deontologjik me Ligjistacionin e punës dhe me rregullat e Brëndëshme të Institucioneve, do të organizojë teste të vazhdueshme me pacientët e familjarët për të parë kenaqësinë e pacientit dhe për të tërhequr mendimit e tij për përmiresimin e punës, si dhe do të zhvillojë një sërë aktivitetesh në fushën e edukimit të vazhdueshëm profesional. “Ne propozojmë futjen e profesionistëve tanë në sistemin e edukimit të vazhdueshëm 2 vite me nga 5 kredite, 3 vite me 10 kredite, brenda 5 viteve 40 kredite”, tha Skënderi. UISH, sipas tij, propozon gjithashtu sistemin e kategorizimit te profesionistëve sipas aftësive dhe në kuadër të edukimit të vazhdueshëm. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin