31/01/2014 16:10:49

Mesazhi kanosës ndaj Jozefina Topallit

Komunikata/ Partia Demokratike e konsideron kërcënimin ndaj zonjës Topalli, si një shfaqje të asaj çka vetë zonja Topalli dhe Partia Demokratike denoncojnë prej kohësh, të futjes në politikë të personave të dyshimtë, të lidhur me aktivitet kriminal

TIRANE - Partia Demokratike denoncoi sot kërcënimin e drejtpërdrejtë që, sipas saj, deputeti i maxhorancës, Mark Frroku, i ka bërë një ditë më parë deputetes Jozefina Topalli. Në një deklaratë për shtyp të zëdhënëses së PD-së, Laura Vorpsi, thuhet se “pas fjalës që ka mbajtur në parlament, znj.Topalli ka marrë nga deputeti Frroku një mesazh kanosës”. Partia Demokratike e konsideron kërcënimin ndaj zonjës Topalli, si një shfaqje të asaj çka vetë zonja Topalli dhe Partia Demokratike denoncojnë prej kohësh, të futjes në politikë të personave të dyshimtë, të lidhur me aktivitet kriminal. Gjithashtu PD i bën thirrje deputetit Frroku “të sqarojë pozicionin e tij me drejtësinë, pasi së fundmi, sipas mediave belge, rezulton se ai ka çështje ende të hapura me gjykatat në Bruksel, për akuza të rënda, si ajo e vrasjes”. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin