30/01/2014 15:22:14

BIO do të shpëtojë ekonominë shqiptare.Standarte të reja për produktet

Vëmendje për 'made in albania'. Treg enkas për prodhime të markës shqiptare

TIRANE - Ministri i Bujqësisë, zhvillimit rural dhe administrimit të ujërave, Edmond Panariti, prezanton nismën Prodho Shqip, tregto shqip e konsumo shqip, iniciativë që nënkupton nxitjen e prodhimit shqiptar ‘bio’ si për tregtarët, ashtu dhe për konsumatorët.

Ideja e ministrit Panariti bazohet në krijimin në gjithë tregjet e Shqipërisë të një segmenti të caktuar, ku të tregohen produktet shqiptare, të cilat duhet të jenë të afishuara si produkte Made in Albania.

Këtë nismë Panariti e shpalli gjatë një inspektimi në merkaton e mishit në tregun “Avni Rustemi” të njohur si Pazari i ri, e cila u mbyll muaj më parë nga Autoriteti Kombëtar i Ushqimit për mosplotësim të standardeve dhe tashmë është restauruar brenda gjithë parametrave me nje fond prej 4.5 milionë lekësh.

Të pranishëm në këtë inspektim ishin dhe prefekti i Tiranës, Sadi Vorpsi dhe kreu i minibashkisë nr 2 Tiranë, Elez Gjosha. Lidhur me nismën e re, Ministri Panariti u shpreh se kjo iniciativë do të jetë një motiv më shumë për nxitjen e prodhimit vendas.

Mendoj se së afërmi do jemi sërish bashkë për të inauguruar këtë pjesë të tregut që do jetë enkas për prodhime të markës shqiptare, u shpreh Panariti.Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin