25/01/2014 14:00:26

A do të ktheheni përsëri në Shkodër Kryeministër ?

Qeveria mbërrin në Shkodër. Bashkia mbyll dyert

foto©hermesnews2014

SHKODER - Kryeministri Edi Rama, Ministrja e kulturës Mirela Kumbaro dhe Drejtorja e përgjithshme e doganave Elsa Spiropali mbërritën sot në Shkodër (foto), për inspektime në zyrën e doganave, fototekën Marubi dhe një ndalesë në fund tek Shtëpia e Fëmijës.

Rama pa nga afër zonën e Pedonales në të cilën pritet të ndërtohet fototeka e re Marubi, aktualisht një ndertesë e zymtë nën rrënoja, çfarë ka prekur temat e bisedës me disa autoritete që e shoqëronin.

Investime të gabuara apo të papërfunduara ? Nuk dihet, por sot u pa një mungesë e theksuar komunikimi me autoritetet lokale, nga të cilat nuk doli askush t'a presë.



















foto©hermesnews2014

Ka dhe një opsion tjetër dhe kjo ka të bejë me stilin aktual të politikes në Shqipëri, urdhra pa negociata, bindje pa pretenduar. Kryeministri i vendit erdhi në Shkodër dhe Shkodra sot u izolua dhe më shumë ndaj mundësive dhe oportuniteteve për fonde, zhvillim, kulturë, progres, mungesë e theksuar demokracie në qeverisjen lokale.

Izolim dhe kryeneçësi pa asnjë dobi për qytetarët. Mungesë dialogu dhe akoma një shkollë europiane politike, e ngelur në mes. Të paktën uroj që Shkodra të mos "përmbytet" një ditë për shkak të saj. //HermesNews - ©2014// Na ndiqni dhe në Facebook dhe Twitter

Doriana Metollari

Dërgo me email | Stampo artikullin