25/01/2014 12:27:23

Thirrjet e shqiptarëve për rekrutim në Siri

Shqipëria , një vend i shpallur ateist për dekada me rradhë, sot përmendet nga shtypi i huaj për mbledhje të militantëve islamik

HermesNews - Mediat e huaja vazhdojnë të shkruajnë rreth fenomenit të rekrutimit online nga besimtarët shqiptarë musliman në mbrojtje të Sirisë në emër të Islamit.

Shqipëria , një vend i shpallur ateist për dekada me rradhë, sot përmendet nga shtypi i huaj për mbledhje të militantëve islamik, të cilët me anë të rrjeteve sociale kërkojnë mbështetje dhe mbështetës në emër të Allahut për luftën civile në Siri.

Në vitet e fundit janë shtuar gjithnjë e më shumë videot dhe faqet e Facebook-ut nga ana e besimtarëve shqiptarë që kërkojnë militante dhe numri i shqiptarëve në grupet e al-Qaedas në Siri rritet çdo ditë.
Për shkak të rreziqeve, mediat nuk janë ende në gjendje të tregojnë saktësisht se cili është numri i të huajve që marrin pjesë në luftën civile siriane.

Përafërsisht numërohen rreth 8500 të huaj nga 74 vende të ndryshme që kanë marrë pjesë në konflikt gjatë dy viteve të fundit, sipas një raporti të publikuar muajin e shkuar.

Nga Shqipëria, Maqedonia dhe Kosova rreth 300 vetë i janë bashkuar forcave opozitare në Siri.

Një grup i njohur si Krenaria Islame, me pothuajse 2800 ndjekës në Facebook bën vazhdimisht thirrje për të iu bashkuar forcave islame duke shprehur gjithashtu urrejtje për Perëndimin dhe demokracinë.

Daniela Vathi

Dërgo me email | Stampo artikullin